Europower-Partner---Rosa-1
logo-black

    Eviny vurderer pumpekraftverk i Samnanger

    Annonsørinnhold fra Eviny
    12. november, 2024

    Eviny sine vasskraftverk i Samnanger treng oppgradering for å møta krav til større fleksibilitet i produksjonen. Ved Kvitingsvatnet kan det vera mogleg å byggja eit pumpekraftverk som kan produsera når kraftbehovet er stort, og pumpa vatnet opp igjen i Svartavatnet når behovet er lite.

     

    I dag er det berre ti pumpekraftverk i Norge, der Eviny har eitt av dei, Nygard pumpekraftverk i Modalen.

     

    – Dei fleste kraftverka våre er laga for å produsera relativt jamt, men dei siste åra har vi sett at behovet for kraftproduksjon endrar seg mykje raskare og med langt større utslag enn tidlegare. Det har blitt ein større ubalanse mellom forbruk og produksjon, og vi må tilpassa produksjonen vår til nye behov i samfunnet, seier Svenn Rognås, divisjonsleiar i Eviny Fornybar.

    Svenn Rognås. Foto - Nils Ole Refvik

    Svenn Rognås. Foto: Nils Ole Refvik
     

    Gode magasin

    Halvparten av energibruken i Norge kjem frå fossile kjelder som olje og gass. For å kutta utslepp skal fossil energibruk erstattast med straum, og mykje av dette vil vera uregulert kraft som vind og sol. I periodar med lite vind og sol kan vi få problem med å ha nok effekt tilgjengeleg i kraftsystemet. Det er bakgrunnen for at Eviny har kartlagt vassdrag som er regulert til vasskraftproduksjon, for å sjå om det er mogleg å oppgradera produksjonen til å bli endå meir fleksibel.

     

    – I øvre del av Samnangervassdraget har vi to gode magasin for å flytta vatn opp og ned i eit pumpekraftverk. Vi er i ein tidleg fase, og det er eit stykke fram før vi eventuelt søkjer konsesjon. No gjennomfører vi grundige konsekvensutgreiingar av miljø og andre relevante tema for å få kunnskap om både fordelar og ulemper med prosjektet. Vi har som mål at prosjekta skal bidra til betre miljøstatus i anlegga våre, understrekar Rognås.

     

    Kraftverk inne i fjellet

    Eviny undersøkjer også om det er mogleg å byggja eit kraftverk i nedre del av Samnangervassdraget. Planen er å bruka Kvitingsvatnet som inntaksmagasin med utløp til Samnangerfjorden. Kraftverket vil liggja inne i fjellet.

     

    – Dette vil både gi meir energi og større fleksibilitet til å produsera når behovet er størst, seier Rognås.

    Kvitingsvatnet. Foto-Nils Ole Refvik.

    Kvitingsvatnet. Foto: Nils Ole Refvik
     

    Mykje arbeid står igjen

    Det er for tidleg å seia noko presist om energiproduksjon og effekt på dei to moglege kraftverka. Det same gjeld kostnadsramme. Eviny vil jobba vidare med å utvikla prosjekta og få fram meir kunnskap om konsekvensar, før ein eventuelt kan søkja konsesjon i løpet av 2025.

     

    Det er oppretta dialog med Samnanger kommune, og kommunestyret har fått ei første orientering.

     

    Nye kraftverk kan halvere pristoppene

    Eviny planlegger tre nye kraftverk med en samlet effekt på over 500 megawatt (MW). Hadde...

    Les mer

    Eviny vurderer pumpekraftverk i Samnanger

    Eviny sine vasskraftverk i Samnanger treng oppgradering for å møta krav til større...

    Les mer
    Alle innlegg
    Om Eviny
    Eviny

    Fornybarselskapet Eviny er et av Norges største energi- og teknologikonsern. Vi jobber med fremtidens løsninger for produksjon og distribusjon av grønn og klimavennlig energi, og for at det skal bli mulig å ta den rene, fornybare kraften i bruk overalt. Vi kombinerer klimaansvar med lønnsom forretning. Sammen setter vi fart på grønn omstilling!

    Europower-Partner---Rosa-1

    Europower Partner.

          Copyright 2025. All Rights Reserved by Europower.